Jobb- og utdanningsmessa på Osterøy 2024

Torsdag 7. november,
kl. 18-20

Lyst til å vite meir om utdanningstilbod for vidaregående elevar, spennande lærlingeplassar og unike jobbmoglegheiter i og rundt ein kommune kjend for sin skaparkraft? Da ordna me!

Me inviterer elevar, studentar, arbeidssøkjarar og alle som vurderar å skifte jobb, til Jobb- og utdanningsmessa på Osterøy torsdag 7. november klokka 18.00-20.00 i Osterøyhallen. Både personar i og utanfor kommunen er velkomne!

Messa vert arrangert av Osterøy ungdomsskule, Osterøy vidaregåande skule, Kompetansesenteret for Robotteknologi, Osterøy Utvikling, Osterøy Industri- og Næringslag og NAV.

Få draumejobben på speeddate

På årets Jobb- og utdanningsmesse får du moglegheita til å speeddate ulike arbeidsgjevarar som har ledige stillingar og lærlingeplassar.

Du får ein samtale på 10-15 minutt med den verksemda du har lyst til å møte. Du kan møte opp til speeddate anten for framtidige moglegheiter eller for å søkje på ledige stillingar dei har no:

CNC-operatør eller lærling i K. Lerøy Metallindustri.
Formann eller maskinoperatør i Vevle Mekaniske Verkstad.
Produksjonsmedarbeidar eller industrimekaniker i Gunnebo Anja Industrier.
Ein rekkje stillingar innan helse og barnehage i Osterøy kommune.
Lærlingplass gjennom Pro Vestland Opplæringskontor.

Ta med CV og møt opp på tribunen i Osterøyhallen mellom klokka 18.00 og 20.00, torsdag 7. november.

Kart over utstillarane

Her finn du oversikt over utstillarane og kvar du finn dei i Osterøyhallen.

Litt lengre nede på denne siden finn du alfabetisk liste over alle utstillarane, og link til deira respektive nettsider.

Nasjonal testarena for robotteknologi på Osterøy

Visste du at Osterøy har sitt eige Kompetansesenter for Robotteknologi (KORT), og nyleg vart utnemnt som nasjonal testarena for bruk av robotteknologi av det statlege føretaket Siva - selskapet for industrivekst? Både Osterøy vidaregåande skule og verksemdene på øya har høg kompetanse på bruken av robotar i industriproduksjon. Bedriftene her har over 120 robotar. Osterøy er dermed på Noregstoppen i talet på robotar pr. innbyggjar.

Er du på jakt etter arbeid? Me har samla representantar frå desse og mange andre framtidsretta verksemder som du kan treffa på Jobb- og utdanningsmessa.

Er du elev og skal velje utdanningsprogram på vidaregåande? Osterøy vgs. tilbyr spennande utdanningsprogram og lærlingeplassar innan robotteknologi. På messa møter du representantar frå Osterøy vgs.

Osterøy - kjend for sin skaparkraft

Osterøy Kulturskule har laga ein video om skaparkrafta på Osterøy, både i fortid, notid og framtid. Sjå videoen og lær kvifor det fins eit så stort mangfald av bedrifter på øya.